| 1 | |
HStAOrient5a: 9v nūrdan ẓuhūr ėder ve her nesne ki ʿālemde şerrdür ẓulmetden ṣudūr // ėder. Civān dėdi ki: Eger ẓulmet ü nūr benüm ḥużūrumda olalar // idi ben anlara suʾāl ėderdüm ki Mani ẓ‑ẓulumāt minkumā yaʿnī // ikiñüzden qanġıñuz ẓulmetdür? Eger cevābda nūr dėrse ki ẓulmet // benem sözi kiẕb ü zūr olub ve kiẕb ü zūr eşedd‑i // şerr ü şürūrdur. Nūrdan ḫod şerr ṣudūr ėtmez. Ve eger cevābda // ẓulmet dėrse ki ẓulmet benem sözi ṣıdq olur. Ṣıdq // ḫod ḫayrdur. Ẓulmetden ḫod ḫayr ṣādır olmaz. Pes S̱enevī‑i melʿūn // daḫı mebhūt u maḥzūn olub başın girībān‑i ḫacālete // ṣaldı. Vās̱iq Billāh: āferīn ey civān bu mülḥid‑i ḥāsidi // daḫı iʿtiqādında ve zuʿm‑i fāsidinde ilzām eyle dėdi. Suḫan‑ // Guftan bā‑Mulḥid‑i Bāṭinī: Civān mülḥid‑i Bāṭınīye nigerān olub sen daḫı // meẕhebüñ beyān ėt dėdi. Bāṭınī dėdi‑ki: Ḥaqq taʿālā // ḫalqdan bāṭın u mestūrdur meger peyġamber‑i ṣādıq yā imām‑i maʿṣūm // ki anuñ maʿrifet-i şuhūdına lāyıq ola. Civān dėdi ki: // Söyle ey Bāṭınī ve bāṭilī ki peyġamberüñ ṣıdqı ve imāmuñ // ʿiṣmeti ne ile müs̱bete olur ki qullarına iʿtimād olınub [Marginal note 1:] Mes̱ela şuʿbedeler yaʿnī ḥoqqabāzlar // gösterdügi ṣanʿatlar gibi // ki hīç birisi emr‑i muḥaqqaq // degüldür. Ḫıffet‑i yed ve sürʿat‑i // ḥareket ile ḥāṣıl olur. // Ḫayāl ve nümāyişdür. Qaṭre‑i // nāzile‑i ḥaṭṭ‑i müstaqīm ve şuʿle‑i // ḥoqqa ile şekl‑i müstedīr // görmemesi heb ol // qabīldendür. Min lehū. [Marginal note 2:] Aḫlāṭ‑i ḥissīyenüñ ems̱ilesi // mevāqıf‑i evāʾilinde // çoqdur. Ẕikre iḥtiyāc // yoqdur. Min lehū. |